Acceso usuarios
O autismo é un trastorno do neurodesenvolvemento que supón afectacións a nivel psicolóxico e condutual das persoas que o presentan. En todas as persoas diagnosticadas con algún trastorno do espectro autista son frecuentes as dificultades de comunicación, feito que lles impide a boa adaptación ao mundo que lles rodea, ademais de numerosos problemas para comunicar os seus intereses, gustos e sentimentos. Esta dificultade provócalles un illamento da sociedade e das súas familias e adoita supoñer un malestar considerable para eles mesmos e aos que lles rodean. Na Asociación DISMACOR apóstase por programas de intervención adaptados ás necesidades de cada neno e das súas familias, sempre traballando na propia contorna natural de cada cativo, de cara a fornecer unha aprendizaxe máis funcional e conseguir unha maior xeralización dos resultados obtidos. No presente traballo mostramos unha proposta de intervención para mellorar as dificultades de comunicación dunha nena de oito anos diagnosticada con TEA e que presenta unha linguaxe pouco emotiva e carente de sentimentos. O principal obxectivo deste traballo é a manifestación de emocións e sentimentos a través do debuxo das súas propias experiencias persoais como método para complementar e substituír as carencias na manifestación da súa percepción da realidade e dos seus desexos. A metodoloxía utilizada emprega intervencións centradas no xogo e utiliza o terapeuta como modelo do uso correcto do debuxo para a manifestación das vivencias propias e alleas; neste sentido, vaise instruíndo a nena para que comece a utilizar esta capacidade e a vaia incluíndo no seu repertorio de respostas habituais. Os resultados mostran unha mellor capacidade da nena, non soamente para mostrar os seus sentimentos, senón para comprender e empatizar cos dos demais; alén de reducir a súa ansiedade derivada da súa incapacidade para manifestar os problemas que lle xorden a diario e aumentar a súa habilidade comunicativa.
Autism is a neuro-developmental disorder involving psychological and behavioural affectations in individuals who suffer from it. In every individual diagnosed with a disorder of autism spectrum communicative difficulties are observed very frequently, thus preventing them from being well adapted to the world they are living in. That difficulty causes problems in their social and family circles and a substantial impact for themselves and those around them. In this assignment we are introducing an intervention proposal in order to improve communicative difficulties in an eight-year-old female child diagnosed with DAE showing less emotive, without feeling expression language.
