O obxectivo deste traballo é presentar unha proposta xurdida dunha tese de doutoramento iniciada no curso académico 2013/2014 dentro do Programa de Doutoramento en Educación da Universidade de Santiago de Compostela. Na proposta, denominada “Observatorio dos videoxogos Galegos”, preténdese principalmente compilar, describir e analizar os xogos dixitais desenvolvidos na Galiza. Ademais neste documento, reúnense os principais videoxogos e empresas do sector, aportando elementos para a reflexión sobre o uso destes recursos como materiais educativos nos colexios.