Acceso usuarios
María Luisa Fraga Sampedro, I. Mosquera Flores, P. Torres Álvarez, S. Noval Couceiro, J. M. González Lorenzo, J. M. Rumbo Prieto
A pandemia polo coronavirus SARS-CoV-2 ou covid 19 afectou significativamente (e segue facéndoo) a vida de millóns de persoas en todo o mundo. O equipo multidisciplinar da Central de Coordinación Covid de Ferrol estivo moi implicada desde o inicio da pandemia por cubrir as necesidades sanitarias e realizar o seguimento de persoas vulnerables e profesionais, co fin de previr na medida do posible a súa propagación. Para iso, utilizáronse os recursos sanitarios e humanos dispoñibles e deseñouse unha estratexia de coordinación para despregar a asistencia necesaria en caso de brotes ou illamentos preventivos en todos os ámbitos asistenciais (sanitario e sociosanitario). Neste proceso estiveron implicados diferentes servizos, centros e direccións como a Central Covid, a Subdirección de Humanización, Calidade e Atención á Cidadanía da área sanitaria de Ferrol, as direccións de cada centro sociosanitario, os profesionais dos centros de saúde, a Dirección de Atención Primaria, a Dirección Procesos de Soporte, a Dirección de Enfermería e, cun peso moi importante para facilitarnos as ferramentas informáticas, a Subdirección de Sistemas e Tecnoloxías da Información. Todo o anterior derivou en que mantivésemos unha colaboración permanente coas institucións sociosanitarias (asociacións e centros de día de persoas con alteración das súas capacidades) para xestionar unha pandemia que nos afecta a todos.
