Quixera trasladar o meu sincero agradecemento á Xunta Directiva da Federación Autismo Galicia pola oportunidade que me concedeu de participar nesta nova edición da revista maremagnum e trasladar a todos os seus lectores e lectoras uns simples retrincos do inxente traballo que o amplo universo sociosanitario, e en especial o mundo da discapacidade e das persoas con autismo (TEA), tiveron que levar a cabo, co apoio e co alento das autoridades sanitarias e da Consellería de Política Social, para enfrontarse a unha pandemia que desexamos que pase pronto a estudarse nos libros de historia.