Resumen de A inclusión como resposta educativa ao alumnado con trastorno do espectro do autismo

Manuel Corredoira López

• A inclusión como principio de atención á diversidade fundaméntase no deseño para todas e todos e a accesibilidade universal como eixes tractores da organización educativa na nosa comunidade. Desde esta perspectiva, a diversidade é un elemento de enriquecemento social que sustenta os valores democráticos europeos sobre os que construír unha cidadanía activa, responsable e libre. Traballar por unha escola inclusiva é traballar por unha sociedade inclusiva achegando os recursos organizativos, materiais e humanos para garantir que todo o alumnado (incluído aquel con TEA) desenvolve ao máximo o seu proxecto vital (profesional e persoal). Unha resposta sistémica, integral e equitativa.