Acceso usuarios
O coidado dun familiar maior en situación de dependencia pode xerar un importante impacto psicolóxico sobre a vida do coidador. O obxectivo deste estudo é analizar a sobrecarga e o malestar psicolóxico e estudar a relación entre ambas variábeis nunha mostra de coidadores informais de persoas con demencia de Galicia. Utilizáronse a Escala de Carga do Coidador (CBI) e a Symptom Checklist 90 Revised (SCL-90-R). Un 30% dos suxeitos obtiveron unha puntuación total igual ou maior a 46 (punto de corte) na CBI. Con respecto ao malestar psicolóxico, todas as dimensións sintomáticas rexistradas na SCL-90-R situáronse por cima da media para o seu grupo normativo, e o índice global de severidade alcanzou unha puntuación centil de 85. Achouse unha correlación significativa positiva de r = 0.67 (p < 0.05) entre as puntuacións de CBI e SCL-90-R. Futuras investigacións poderían estudar programas de prevención e intervención na redución do malestar emocional dos coidadores informais con alto grao de sobrecarga.
Care of an elder relative with dependence can produce an important psychological impact on caregiver’s life. The aim of this study is to examine caregiver burden and caregiver distress and to estimate the relationship between both variables among Galician informal caregivers of dementia patients. Caregivers were assessed using the Caregiver Burden Inventory (CBI) and the Symptom Checklist 90 Revised (SCL-90-R). The results showed that 30% of caregivers achieved a total score equal or above 46 (cut-off point) on CBI. All symptomatic dimensions on SCL-90-R were above the average of the normative group, and global severity index achieved 85 centil. Furthermore, we found a significative positive correlation between CBI and SCL-90-R scores (r = 0.67; p < 0.05). Future research needs to develop prevention and intervention programmes in order to reduce distress of informal caregivers with severe burden.
